Criminal matter me log aksar confuse hote hain – FIR kya hai, aur ordinary “complaint” kya? FIR (First Information Report) serious cognizable offences ke liye police ke paas register hoti hai. Jaise theft, assault, rape, serious cheating etc. Iske baad police ko investigation power mil jati hai – witness examine karna, seizure, arrest, chargesheet file karna.
Complaint broadly do jagah ho sakta hai – police station ya directly magistrate ke saamne written/oral complaint. Agar police FIR register na kare ya case ko cognizable na maan rahi ho, to victim magistrate ko approach kar sakta hai, jo then directions de sakta hai u/s appropriate provisions (jaise 156(3) CrPC type).
Non-cognizable offences me police ki power limited hoti hai; waha complainant ko court process follow karna padta hai. Ordinary civil problems ko FIR bana dena solution nahi; misuse pe court strict bhi ho sakti hain.
Common person ke liye simple rule: serious criminal act ho jisme immediate investigation zaroori lage, pehle police/FIR route try karo. Agar waha se response nahi mile, to written complaint + magistrate ke paas approach next logical step hai.